19 Ramadhan

بسم الله الرحمن الرحيم

Siku kama hii tarehe 19 Ramadhan 40 Hijria /Januari 26, 661, Khalifah wanne Imamu Ali bin Abi Talib (ra) wakati akiswali swala ya Alfajiri alipigwa dhoruba ya upanga na mshenzi Abd al-Rahman bin Muljam al-Muradi. Dhoruba hiyo ilisababisha kifo chake baada ya siku chache.

Imamu Ali (ra) alizaliwa miaka 23 kabla ya Hijra, alilelewa na Mtume SAAW na alikuwa miongoni mwa watu wa mwanzo kuukubali Uislamu.
Alifanya kazi kubwa ya kuutumikia Uislamu, alibeba majukumu mbali mbali ya kidola ikiwemo pia kushiriki katika vita mbalimbali. Aidha, alikuwa mshauri mkubwa kwa makhalifa wengine na alikuwa mwanachuoni wa daraja ya juu.
Hatimae Waislamu walimchagua kuwa Khalifah wa nne baada ya kuuwawa Uthman bin Affan.